Aizawl East II-a MNF candidate, Pu Robert Ronawia Royte-in Saron veng MPF Local Forum hriatpuiin tukin a\ang khan Campaign bul a \an.

0
358
views

Hemi puala inkhawm tawi Saron veng leh Tuithiang inrinna Mirawng tuikhur bula neihah Pu Robert Romawia Royte chuan, campaign bul an \an tur chu MPF Local Forum hriatpuina veka ti an ni tih sawiin, an thil tih tur reng reng midang tana harsatna siam zawng emaw, dan bawhchhiatna emaw zawnga hmalak an tum loh thu leh MPF hotute rawn chunga hmalak zel an tum thu a sawi. Pu Rober Romawia Royte chuan, amah hawtuten tun hma lama a chanchin dik lo takin an thehdarh nia sawiin, mipuiten thudik an hre \an mek niin a sawi a, Politics a luchilh chhan chu a bial leh Zoram mipuite tana hnathawh a duh vang niin a sawi.

Tukina Pu Robert Ronawia Royte-in Campaign bul a \annaah hian Saron veng MPF Local Forum hruaitute pawh an tel a. Zonet zawhna chhangin MPF hotute chuan, an huam chhunga House to House Campaign tur reng reng chu an hnena inhriattir hmasa zel tura ngen an ni tih sawiin, eng party pawh ni se, an campiagn-na a pianga an zui zel tur thu an sawi a. Hei hi sum thianghlim lo leh dik lo taka sum sen awm \hin a reh theih nana tih a ni tih MPF hotute chuan an sawi a ni.