Aizawl East-II biala Mizo National Youth Front chuan kumin kum tawp lama Mizoram Assembly inthlanna neih tur thlirin nimin khan Sihhmuiah Political Training an nei.

0
283
views

He inkhawma thu sawitu, Aizawl East II biala MNF Party Candidate ni tur, Pu Robert Romawia Royte chuan thu sawiin MNF Party chu Pathian leh kan ram tan tih thuthlung vuantu an nih avangin \halaite chu mawi tak leh fimkhur taka Mizo hnam leh party tan hnathawk turin a fuih a ni. Pu Robert Romawia Royte chuan Congress President, Pu Lal Thanhawla’n Congress party-ah harh tharna a thleng nia a sawi chu Congress party chhuahsan tura harh tharna niin a sawi a ni.

He Political Training hi Aizawl East II MNYF Vice President, Pu Vanlalbela’n a kaihruai a ni.

Vawiin vek khan Lawngtlai East biala MNF ticket-a ding tur Pu H. Biakzauva chuan Sangauvah campaign a \an a, Sangauvah motor 60 chuangin an zui lut a, a pualin ruai an \heh nghal a ni. Pu H. Biakzauva hi Lai District MNF Committee-a Vice President ni lai, Lai Autonomous District Council-a MDC \um 4 lo ni tawh a ni.