Aizawl East II bialtu MLA, Sports Minister, Pu Robert Romawia Royte-in MNF-in inthlan Campaign auhla atana a hman SEDP chu tihhlawhtlin chhoh mek nia sawiin, SEDP atan hian Budget-ah sorkar thar 2019-20 chhung atan Rs. vbch 450 dah a ni tih a sawi.

0
520
views

He thu hi nimin leh tukina Aizawl East-II MNF Block buatsaiha Armed Veng South leh Chhinga Venga MP Election Campaign beihpui an thlaknaah sawiin, Pu Robert Romawia Royte chuan, Mizoram Sorkar aiawha Central sorkar dawr tur leh Parliament House-a Mizo mipui aiawha thu tur chu Sorkarin a thawhpui theih tur nise a \ha ber tih sawiin, he inthlan neih turah hian MNF Official Candidate, Pu C.Lalrosanga thlan tlin a pawimawh tih mipuiin an hriat a ngai a ni, a ti.
Pu Robert Romawia Royte chuan, tun hnaia Budget Session neih zawh taka tunhmaa la awm ngai lo \halaite hmasawnna tur chi hrang hrang Budget-ah dah a nih bakah infiamnaa hma an sawn theih nan Mizoram State Games leh District Games neihna tur pawh ruahman thar a ni tih a sawi bawk.