Aizawl East II Block Congress \halaite chuan vawiin khan Vangpui K
0
329
views

 

He Conference hmanpuitu Finance Minister, Pu Lalsawta chuan Assembly inthlanna neih turah Aizawl East II biala a khingpui tur zingah mi hausa an awm tih sawiin, amah chu sorkar sum enkawltu nimahsela, a hausa lo tih a tarlang a, amaherawhchu a retheihna chu a zahpui lova, harsatna a tawh phah lo niin a sawi a ni. Pu Lalsawta chuan Pu Lal Thanhawla kaihhruai sorkar chu Mizoramin a la mamawh tlat niin a sawi a, Tuirial Hydel Project kawlphetha megawatt 60 pe chhuak thei leh Falkawna Medical College din tak chungchangah Party \henkhatin Congress sorkar chu an kuhmuma par anga an sawi chu thil dik niin a sawi a, amaherawhchu, a par chu a lo chhe hman tawh a, a tihdam leh hna Congress sorkarin a thawk a, Party dang hmalakna pawh ni se thil \ha tur chu Congress sorkar chuan a chhunzawm zel dawn niin a sawi a ni.

He inkhawmah hian Mizoram Pradesh Youth Congress Committee President, Dr. Malsawma Nghaka leh Aizawl East-II Block President, Pu Vanthangpuia te pawn thu an sawi a ni. He conferance hi Aizawl East-II |halai Block President, Pu Zalenthanga’n a kaihruai a ni.

Hetihlai hian Aizawl West II Youth Block Congress Committee chuan thuchhuah siamin kumin kumtawp lama Mizoram Assembly inthlanna neih turah Aizawl West II biala candidate tur chungchangah buaina a awm nia thu thehdarh awm chu thudik lo niin a sawi a, hemi chungchanga vawiina thuchhuah an siamah he bial hi kum 2013 a\ang khan Dr. Malsawma Nghaka’n theihtawp chhuahin a enkawl chhunzawm zel a, chuvangin tunah chuan Party \henkhat tan huphurhawm leh beih tham a lo ni ta niin an sawi a, he bial atan hian Congress party chuan candidate dah tur chungchangah buaina an nei lo tih an sawi bawk a ni.