Aizawl Electric Hebron venga Pu F. Vanlalthuama-te kawmthlang kawngpui chu vawiin chhun dar 12:30 vel khan a min a, lei hi a chet nawn leh chuan a bul hnaia chengte tan a hlauhawm thei dawn nia hriat a ni. Electric veng khawtlang hruaitute chuan, helai hmun hi tun hma, kum 10 hma lamah khan a lo min tawh thin niin an sawi a. Rei tak a chet loh hnuah tun hnai ruahsur nasa avang khan nasa vak lovin a min leh a, kar hmasa lam khan a thlanga Pi Thangluaii-te in bul chu a lo min tawh a, Pi Thangluaii-te in dinhmun hi a hlauhthawnawm avangin an inthiar chhuak tawh niin an sawi. He lei minna hmun hi bialtu Councillor, Pu Rosiamngheta’n vawiin khan a tlawh nghal a, Silpouline 7 a pek hmangin khawtlangin an khuh nghal a ni.
