Aizawl Football Club-in vawiin khan thuchhuah siamin Aizawl FC Academy dinna atana central a\anga sum lo kal chungchangah FIR thehluh a ni chu thil hriatsual palh nia an hriat thu sawiin, Aizawl FC (Academy Section) chu registered Society a nih angin IDMI Scheme hnuaiah \anpuina an dil niin an sawi.

0
467
views

Hemi atan hian kum 2015 khan Rs. nuai 17.71 pawm a ni a, heta \anga zaa 25 chu Aizawl Fc tum ve tur a ni a, zaa 75 dang chu Central Sorkar tum ve tur a ni tih sawiin, inkaihhruaina danin a sawi angin 1st Instalment atan Rs. nuai 6.64 chu Aizawl FC Account-ah kum 2015 khan a lut a ni. He Scheme hi Sorkar khawih tur ni lovin registered society tana duan a ni a. Central tum bak zaa 25 pawh hi Sorkar ni lovin Society tum zel tur a ni tih sawiin, Aizawl FC Academy hnuaiah hian zirlai tam tak an awm a, an puala Sikul leh Hostel chu North Lunglengah siam niin, Academy Project atan central a\anga sum lo kal pawh hi North Lunglengah hman a ni tih an sawi. Nimina Aizawl FC laka thubuai thehluttu leh Dawrpui Local Council hian an \henawm maia Office nei Aizawl FC hnenah thil awm dan zawt chiang hmasa se chu hetiang lehkha hi an siam an rin loh thu leh Aizawl FC Academy hminga lehkha rawn thleng-ah an registered office address Dawrpui an rawn hman avanga hetiang thil hriatsual hi thleng nia an ngaih thu an sawi.

Puan tawh angin Aizawl Chhinga veng mi Lalvemhima Chawngthu chuan Sorkar laipui hnuai Human Resource Development Ministry a\anga Aizawl Dawrpui venga Aizawl Football Club tana Class room 2, Toilet 2 leh tui in tur pekna tur sum dawn a nih hnuah hetiang building hi Dawrpui veng huam chhungah hmuh tur a awm lo nia sawiin, hemi chungchang hi chhui chiang turin nimin khan Aizawl Police Station-ah FIR a thehlut a ni.