Zarkawt leh Dawrpui Branch MHIP hruaitute hi an \hukhawm a, hun rei tak a\anga MHIP zahawmna tih bawrhban a ni fo chu an ngaithiam thei lo tih sawiin, thil zahthlak leh tenawm tak thleng fo \hin chu zahthlak an tih thu leh tun hnuah thleng tawh lo se an duh thu an sawi a ni. Hemi hnua thuchhuah in\awm an siamah Zarkawt leh Dawrpui Branch MHIP chuan, MHIP chhunga thil thleng \hin chu zahthlak an tih avangin MHIP General Headquarters an zawmna chu tihtawp \ha an ti tih an sawi a, General Headquarters an zawmna chu an hnukdawk nghal tih an puang a ni.
Puan tawh angin MHIP hian tunkar thawhlehni khan General Assenmbly hmang \anin nilaini khan kum 2019-21 chhunga hruaitu thar thlan tur a ni a. Hruaitu thar thlanna turah hian thil fel tawk lo a awm nia hriat avangin Court-ah mi \henkhat an zual a. Hemi chungchang ngaihtuahtu Court chuan, MHIP hruaitu thar thlan turah hian Ballot Paper tih chingpen a awm ngei nia hriat a nih avangin MHIP hruaitu thar thlanna chu nei rih lo turin a hriattir a ni.
