Aizawl khawpui pawm lama gas harsat chhan chu a phurtute rate hniam vang

0
361
views

Mualkhang Gas Bottling Plant a\anga Aizawl khawpui pawn lam mite ei rawngbawlna gas pek kawnga harsatna tawh lian ber chu a phurtu tura Indian Oil Corporation-in a thlan, Carrying Contractor pathumten an chhanna rate hniam lutuk avanga an phurh \hat theih loh vang a ni. Food, Civil Supplies & Consumer Affairs Deptt. hotute leh IOC hotute hnen a\anga ZONET thu dawn danin, Mualkhang Gas Bottling Plant a\anga Aizawl khawpui pawn lam, Zoram hmun hrang hranga gas sem tur phurh chhuahna rate, IOC-in a neih sa chu km 1 zela cylinder pakhat zel pawisa 17.55 a nih laiin, a chhangtu, Silchar mi Contractor 3, Kamal Bharbuiah, Anil Kumar Shetty leh Biren Singha ten km 1 khat zela cylinder pakhat zel phurh man hi pawisa 12.83-in an chhang a ni a, an tender chhan anga gas sem chhuah tur, Mualkhang Bottling Plant a\anga an phurh hun chhung tur hi kum 3 a ni a, tunah hian kum khat an hmang zo tawh a, an rate hniam lutuk avanga phur hlei thei lova kum 2 dang an awm leh chuan Mizoram mipuiten harsatna namen lo an tawk thei dawn nia hriat a nih avangin tunah hian sorkarin \an lak dan tur thar a ngaihtuah mek a, ei rawngbawlna gas supply leh sem chungchang hi IOC thuneihna ni mah se, mipuiten harsatna an tawh avangin a sut kian dan tur zawn nan Petroleum & Natural Gas Ministry-a thuneitu sangte kawng zawnpui turin Mizoram sorkar hotuten kawng an dap mek nia thudawn a ni. Food, Civil Supplies & Consumer Affairs Minister, Pu John Rotluangliana pawhin gas phurh man hniam lutuk avanga a phurtuten harsatna an tawh sut kian nan Mizoram sorkar sum a\angin Transportation Support Price, cheng nuai 11 a lo ruahman tawh a, hei hi hman zawh a ni tawh avangin tunah hian a tih dan ruahman leh dan tur ngaihtuah a ni. Supply Deptt. hotute sawi danin Mizoramin ei rawngbawlna gas sem tur a dawn hi kumin January thlaa cylinder 1,40,000 vel a\ang khan tlem tlemin a tlahniam a, a tlem lai ber, kumin September thla khan cylinder 74,000 vel chauh hmuh a ni a, October thlaah erawh kha chuan 1,00,000 chuang hmuh a ni leh tawh a, Krismas leh kumthar lo thleng turah mipuiten hnianghnar zawka an neih theih nan sorkarin a theih ang angin \an a la chho zel a, Central YMA pawhin gas tihchingpen chingte man chhuaka hrem turin \an a la mek a ni.