Hemi chungchanga Zonet report ilo ngaithla ang.
(Aizawl Mahatma Gandhi lim bul kawngpui an a zan lama Ei Siamna Motor (food Truck) nikum 2018 Nov thla a\anga ding \hinte chu Dawrpui khawtlang hruaitu Joint Committee-in September thla a\ang khan an dinna hmuna ding tawh lo turin an hriattir a, hemi avang hian zan lama ding \hin Food Truck te chu an dinna hmun ngai Zodin, Mahatma Gandhi lim bula ding ngam lovin Aizawl khawpui veng hrang hrang kawn remchang laiahte an ding ta a ni. Food Truck dinna khap chhung changah hian AMC hotute chuan engmah an hriatpui loh thu sawiin, khawlaia dawr neite enkawlna dan, THE STREET VENDORS (PROTECTION OF LIVELIHOOD AND REGULATION OF STREET VENDING) ACT, 2014 chu a taka kalpui turin AMC-in hma a lak mek thu leh dilna form-te pawh pek chhuah a nih tawh laia AMC hmalak mekna ti\huanawm thei zawnga hmalakna awm chu thil \ha lo tak a nih thu chuan an sawi.
Food Truck neitute chuan an dinna hmuna din phal a nih tak loh chhan chu chiang taka an hriat bik loh thu te, tun hma-in harsatna lian tham tawh an neih ngai loh thu te, Dawrpui Local Council hnenah thlatin cheng 500 chhiah an pek \hin thu leh Dawrpui khawtlang hruaitu, Joint Committee thu pek a nih avanga thu pek zawma an dinna hmuna ding ngam ta hrih lo an nih thu sawiin, an dinna hmun thina an din theih tak loh avangin an sum dawnnain a tuar hle thu an sawi a ni).
