He ruahmanna thar Parking House Support Scheme PAHOSS tia vuah hnuaiah hian mimal emaw, pawl emaw, motor te chi panga tal park theihna hmun siam theite chu Sorkarin tanpuina, motor pakhat zel-a cheng Rs.1,00,000 a pe dawn tih Chief Minister chuan a sawi.
Chief Minister kaihhruaina hnuaia din, House Parking Committee in he ruahmanna hi a siam a ni a, he scheme chak taka kalpui nghal turin Chief Secretary kaihhruaina hnuaiah Executive Committee din nghal a ni a, UD&PA Dept chu a mawhphurtu tur dept-a ruat a ni. Kumin sorkar kum kallai, 2018-19 chhung hian he scheme hnuaiah hian motor te chi, LMV 1000 tal park theihna tur parking house siam nghal theihna tur cheng vaibelchhe 10 chu sorkarin a ruahman fel nghal a, sorkar kum thar 2019-20 ah chuan cheng vaibelchhe 100 dah tum a ni.
He ruahmanna thar hi Chief Minister Pu Zoramthanga chuan Chief Minister’s Conference Hall-ah a tlangzarh a. Traffic jam harsatna lian awm lohna state ah he scheme hmang hian Mizoram chu siam theih ngei a kaihhruai sorkarin a beisei tih a sawi
