Aizawl Mayor Pu PC Lalhmingthanga’n Aizawl khawpui, plastic bawlhhlawm awm lohna khawpuia siam tura AMC hmalakna in atir a\angin mipui \awiawm a hlawh \ha tih a sawi.

0
54
views

Zirtawpni-a Aizawl khawpuia plastic bawlhhlawh thenfai hnatlangpui AMC bultuma vengtin Local Council ten an huaihawtah mi sing 6 sang 4 vel an thawk chhuak tih Mayor hian sawiin, Aizawl pawn lam khaw hrang hrangah pawh khami ni khan mi 3000 vel an hnatlang a ni a ti a, hnatlanga thawk chhuak an tam dan enin AMC in hnatlan tur a tih vang thawk chhuak ni ngawt lovin, mipuiten plastic bawlhhlawh an ngaihmawh tawh zia a lantir a ni a ti.

Tunhnaia Goa-a plastic khap a nih dan zirchianga kal Mizoram Journalists’ Association member-te zin report pek programme vawiina neihah he thu hi Mayor hian a sawi a, AMC in August ni khat a\anga plastic pan chi, polythene bag leh a kaihhnawih Micron 50 chin hman a khap \an turah mipuiten harsatna an tawh lohna turin a thlakna tur, hmanraw dang a\anga siam mipuite hnena chhawp chhuak turin tual chhunga thil siam mi te leh sumdawng ten an ngaihven nghal tawh a ni a ti a, bazar bag ken uar chu plastic a\anga thil siam hman loh theih dan awlsam ber pakhat a ni a ti. Mayor hian Polythene bag bakah hian Tui bottle ruak leh Thermocol a\anga siam no leh thleng ang chi te chu an ngaihmawh zual a nih thu a sawi bawk.

Go-a plastic hman an khap dan zirchianga thawk chhuakte zing ami MJA president Pu Zonunsanga Khiangte sawi danin, Goa sawrkar hian 2018 April 1 atangin Panaji leh khawpui lian deuh dangah te plastic/polythene bag – micron 50 aia pan hman khapin Goa Liberation Day – December 19, 2018 a\ang khan Goa pumpui chu ‘Plastic Free State’ ah a lo puang tawh a, Corporation of the City of Panaji (CCP) chuan dan bawhchhiaa plastic bag pan chi zuarte chu Rs.5000 chawitirin a bawh chhe nawn te chu sumdawn phalna trade license a hlih sak \hin a ni.

Deputy Mayor Pu Lalringliana, AMC hnuaia Plastic free committee hotu Pu Lalhmingmawia leh councillor dangte pawhin thu an sawi a ni.