Aizawl Municipal Corporation Board of Councillors-in hnatlang phatna leh runna tihpun remti

0
514
views

Aizawl Municipal Corporation Board of Councillors, vawiina \hu khawm chuan Aizawla Local Council-te hnatlang koh phatna Rs.50/- ni \hin, Rs.100/-a tihpun leh hnatlang phatna pe lo te r<nna, Rs.100/- ni \hin, Rs.200/-a tihpun a remti. Board of Councillors \hu khawm hi AMC Meeting Hall-ah an Chairman, Pu PC Lalhmingthanga’n a kaihruai a, Aizawla chengten a thlawna wifi internet an hman theihna atana hmun 7-a wifi bun chu chhunzawm zel dan tur an sawihova, Govt. Johnson College-a an bun chu tihtawpa, a dang zawng hmun 6 erawh chu chhunzawm zel remtih a ni. Aizawl khawpuia zone hrang hrang 9-a bawlhhlawh, garbage collector-ten motor, a bika siam hmanga tun thla tir a\anga an paih chungchang leh harsatna an tawh dante sawihovin, a sut kian dan tur ngaihtuah a ni bawk. Board of Councillors hian Aizawl Municipal Corporation Area-a advertisement leh hoarding tar chungchang dan, kum 2013-a mi siam \hat dan tur an ruahman bawk a ni. BOC meeting hian kum 2017-18 chhung atana Budget Revised Estimate siam rawtna. Deputy Mayor, Pu Laldingliana pharh pawh pass turin an sawiho a ni.