Vawiin khan Local Council te kokhawmin AMC hma lak mekna leh hmachhawp te an hrilhfih a, Mayor Pu PC Lalhmingthanga chuan, sorkar laipuiin rampumah plastic khapna dan a kalpui angin Aizawl khawpuiah pawh AMC in hma ala mek tih a sawi a, Plastic khapna dan an kalpui mekah Aizawl mipui ten an zawm \ha thawkhat nia an hriat thu a sawi.
Pu PC Lalhmingthanga chuan, tun dinhmunah bawlhhlawh te chu a nih dan tur ang taka thliar hran a la ni lo chungin hun rei loteah a thliar hranna tur hmun hman \an a nih dawn avangin lo inzir lawk a ngai tih a sawi. Pu R. Thanglura Councillor pawhin thusawiin tun dinhmunah bawlhhlawh la thliar hrang miah lo veng hi 2/1 chauh an awm tawh tih a sawi a, bawlhlawh thliar hran an kalpui thuai an beisei tih sawiin AMC chu bawlhhlawh thliar hrang turin a inpeih thawhkhat tawh a, a paihna leh sawngbawlna hmun tur ber peih a la nih loh avangin tuna veng hrang hrangin bawlhhlawh thliarhran an kalpui chu nakina ataka kalpui a nih hun atana lo inbuatsaihna a nih thu a sawi.
Chawhnu lamah Dy Mayor Pu Lalringliana hovin training hi chhunzawm a ni.
