Vawiina Aizawl Press Club-a thuthar thehdarhtute a kawmnaah AMC Commissioner Dr H Lalthlangliana chuan he hmalakna hi National Green Tribunal in AMRUT scheme hnuaia Smart Cities a thlanchhuah te chu kumin October ni 2 a\angin Plastic Free City ni vek tura thupek a chhuah bawhzuina a nih thu a sawi a, Plastic an khap tur chungchangah plastic a\anga thil siam chhuah awm miah lohna khawpui tihna a ni dawn lo a, The Plastic Waste management Rules 2016 in khap tura a bithiah micron 50 aia pan te chu hman phal a ni dawn lo a, khapna hian pawn lam a\anga AMC huam chhunga lakluh pawh a huam tel dawn a ni a ti.
Heng plastic a\anga thil siam Polythene bag ang chi te, vawi khat hman hnua paih mai chi thleng, fian leh no ang chi te khap avanga harsatna a thlen loh nan a thlakna tur kuhva, changel kawr, hnah, lehkha leh puan hmanga siam te chu hmankhawp Mizoramah siam chhuah theih a ni tawh tih an zirchiang tawh tih Dr H Lalthlangliana chuan a sawi.
AMC in a zirchianna a\anga landanin Aizawl khawpuiah nitin plastic lam thil quintal 4 vel hman ziah a ni a, hei hian environment nasa takin a ti bawlhhlawh \hin a ni. Plastic free city ni tura an hmalakna turah mipui, tlawmngaipawl leh Local council leh Kohhran te \awiawmna an ngen tih AMC Commissioner chuan a sawi a, he khapna dan bawhchhetute hremna tur Dan chu AMC in a duang mek a, peih hman lo pawh mahse Municipal Act hmangin hrem theih tho an nih thu a sawi a, dan kengkawh turin Local Council, tlawmngaipawl leh Voluntary Organisation hrang hrang te thuneihna peka hman tangkai dan ngaihtuah a ni dawn tih a sawi.
