ZONET zawhna chhangin Mayor Pu PC Lalhmingthanga chuan, tuna AMC in Bawlhlawh paih motor a enkawl ten veng 2, 3 te an khawn \hin chu duhthu a sam tawk loh thu a sawi a, bawlhlawh an khawn huna paih hman lo te an awm \hin avangin harsatna sutkian nan mimal enkawltir an rel tih a sawi. Pu PC Lalhmingthanga chuan, Bawlhlawh paih motor te mimalin an enkawl hunah chuan tuna motor pakhatin veng 2, 3 te an khawn ngai \hin chu a awm tawh lo ang a, a hmaa Local Council tin a bawlhlawh paih motor kal tir \hin ang khan kalpui leh tum a ni a ti a, hei hi mipui tan pawh awlsam zawk tura beisei a ni a ti. Bawlhlawh paih dan kalphung thar an ruahman hi AMC leh Local Council te inberawn zela kalpui tur a ni dawn tih Mayor chuan a sawi bawk.
Meetingah hian Councillor te bakah North I bialtu MLA Pu Vanlalhlana, South I Bialtu MLA Pu C Lalsawivunga, North II MLA Dr Vanlalthlana, South II MLA Pu Lalchhuanthanga leh Aizawl West III MLA Pu VL Zaithanzama te an tel a ni.
