He hlawhtlinna hi an za vaia thawhrim rah a ni tih sawiin, Pathianin mawhphurhna a chunga a pek chu dik leh fel taka hlenchhuah a tum tur thu leh chumi tihhlawhtlin kawngah chuan \awng\aipui zel turin mipuite a ngen a ni.
Pu Vanlalhlana chuan inthlan hmaa an Campaing lai khan an biala in sang 7 vel a tlawh hman thu leh in 200/300 tih vel chauh tlawh hman loh a nei tih sawiin, hetih chhunga hmun hrang hrang an fan kualnaah Party-a awmna nei sate pawhin ZPM an vote tur thu lo hrilh an awm nia sawiin, hei hi Pathian hnathawh vang liau liau a ni tih sawiin, ZPM chu Pathian malsawm tlak a nih zel theih nan fimkhur taka an kal zel a pawimawh tih a sawi.
ZPM Steering Committee Sr. Vice Chairman, Pu F. Rodingliana pawhin Aizawl North I biala ZPM Candidate tlin lawmna an buatsaih thei chu thil lawmawm tak a ni tih sawiin, he bial mipuite chu Zoram darthlalang ni tura \an la chhunzawm zel tura a duh thu a sawi a ni. Pu F. Rodingliana chuan, an beisei leh duh angin ZPM chuan sorkar siam chiah lo mah se, hnehna chang anga ngaih theih a bial 8-ah lai an chak leh a lehpekah phei chuan sorkar-na chang tur ang hiala mipuiin an duhsak chu thil lawmawm tak a ni, a ti. Tuna sorkar thar lo piang ta chu Zoram mipuite nghah a ni lo nia sawiin, Zoram mipuiin an nghah tak zawk chu Lal thar lo piang tur a ni tih a sawi a, tunah hian Mizoram hi thuthlung hlui leh thuthlung thar inkarah a awm a, tuna sorkhar-na siamtu hi mipuite nghah ni chiah lo mah se, Pathian ruat an ni a, an dawtah hi chuan Lal thar, mipuite nghah sorkar a piang tawh ngei dawn niin a sawi a ni.
He inkhawmah hian Pu Vanlalhlana chu Aizawl North I ZPM Block huam chhunga Steering Committee hrang hrangin lawmpuina pangpar\hi an awrh tir a, bial danga ZPM Ticket-a MLA atana thlan tharte pawhin thu an sawi a. Tlaiah a lawmna chawhlui an kil ho nghal a ni.
