Hemi puala inkhawm Ramhlun North-a Ramhlun Sports Complex Field-a neih hi Ramhlun North ZPM Local Steering Committee Vice Chairman, Pu C. Laizawna’n a kaihruai a, ZPM Chief Minister Candidate, Pu Lalduhoma chuan, kuthnathawkte puala budget siam chu thil harsa a ni lo tih sawiin, khawchhak lam a\anga vawkte kaw\ha lo leina atan pawisa an dah thei a nih chuan sawhthing leh hmunphiah leina atan dah theih loh thu a awm lo niin a sawi a ni. A thlawna pawisa sem hian mipui rilru a tipiangsual nasa hle nia sawiin Pu Lalduhoma chuan, dawngdahna leh hlemletna tipunluntu mai a ni, a ti a. ZPM-in thuneihna a chang a nih chuan Brig. T Sailo-a policy ‘Six Basic Needs’ an kalpui ang a, a tihpuitlin nan ‘Handholding policy’ an hmang dawn niin a sawi.
He biala ZPM official Candidate, Dr. Vanlalthlana pawhin thusawiin, MLA-a thlan tlin chuan a bial chhunga inkalpawhna kawngpui siam \hat vek a nih tur thu leh infiamna lama chak zawka hmasawn turin chhun leh zana infiam theihna hmun tur ngaihtuah a nih tur thu te, \halaite leh chhangchhia leh nu, nau awm chunga an thawh theih tur ang ang ngaihtuah sak a tum thu a sawi a. MLA-a thlan tlin a nih chuan Mizoram hmun kilkhawr ber bera chengte retheihna lehe harsatna a taka hriatpui turin a hmunah an khawsak dan a zirchiang dawn niin Dr. Vanlalthlana chuan a sawi a ni.
