Aizawl South I Block ZPM-in Campaign beihpui an thlak bul\anna Republic Veng Community Hall-ah vawiin khan ZPM Steering Committee Chairman, Pu Lalliansawta’n a hawng.

0
256
views

 

Pu Lalliansawta chuan Mizoram tana rahbi thar chuan a \ul hle tawh tih sawiin tunah hian Mizoram hi kil tinah a âwng a, zu leh ruihlovin a r<n a, Pastor leh Upaten ruihhlo vanga boral vui tur an ngah ta hle chu tihtawp a hun tawh a ni a ti a. Pu Lalliansawta chuan

ZPM hian sum thiltihtheihna aiin \awngtai thiltihtheihna a ring zawk a, a hmachhuan zawk bawk tih sawiin, sum sem lovin ram leh hnam siam \ha turin sorkar a siam theih a, chu chu a taka lantir a hun tawh tih a sawi a ni.

He biala ZPM Candidate, Pu C. Lalsawivunga chuan tuna Mizoramin a mamawh ber chu hruaitu \ha, rinawm leh Pathian \ih mi a ni tih a sawi a. Pathianin ram leilung hausakna min pek chi hrang hrangte chu kum 30 chhung State puitling nih hnuah pawh haichhuah lohvin a la awm niin a sawi a, \halaiten ram changkang zawkte khawsak dan an hmu, mahse tih tur leh thawh tur an hriat loh avangin \henkhat ruihhlo bawihah an tang mek a, heng mite tan hian sorkar-in hnathawh tur an siam sak lo chu hetiang harsatna thlen chhan a ni tih sawiin, kawng hrang hranga Mizoramin hma a sawn theih nan ZPM thawhpui vek turin mipuite a chah a ni.

Campaign hawnnaa thusawitu dang ZPM Star Campaigner, Pu Vanneihtluanga chuan Mizoram hmun hrang hrang an fankualna a\angin mipuite chu Sawhthing hralh turin an inpeih tawh niin a sawi a, hemi piah lamah hian kawng \ha neih chu mipuiten an duh takzet tih a hriat a, thingtlangah chuan Politics hian mipui nun a chiah hneh bik nia sawiin, chhungkhat laina hnai leh kohhran khata lawite pawh Politics-a an ngaihdan inan loh vanga inbe \ha thei lo an awm hial a, hei hi MPF duh loh ber pakhat a ni a, ZPM pawhin hetianga Politics ruihchilh hi a duh lova, hetiang mi ni ve lo tura inzirtir uar deuh deuh a ngai tih a sawi a ni. Pu Vanneihtluanga chuan, ZPM mi leh sate chu an thil tihna a piangah Kohhran leh MPF duhdan zela kal tura chahin, tihsual palh an nei a nih pawhin ngaihdam dil hreh lo turin a chah a, dikna leh rinawmna tel lo chuan a huaisen theih lova, chuvangin dikna leh rinawm taka hmalak a \ul tih a sawi bawk.

He inkhawm hi Aizawl South I ZPM Block Chairman, Pu Lalramnghaka’n a kaihruai a, ZPM Steering Committee Sr. Vice Chairman, Pu F. Rodingliana kaihhruaiin, Mizoram tan an \awng\airual a, Pathian chu Mizoramah chawimawia a awm theih nan A \anpuina dilin an aurual bawk.