Aizawl South I huamchhunga Bethlehem Vengthlang MNF Unit Information Office chu he biala MNF Candidate Pu K Liantlinga’n vawiin khan a hawng.

0
476
views

 

Hemi puala inkhawm hi Campaign Chairman, Pu Jorhatthanga’n a kaihruai a, Campaign Secretary, Pu Saingura Sailovan an hmalak dan a tarlang a ni. Thusawiin Pu K. Liantlinga chuan, Party tin te chu Policy hmanga inbei tur an nih laiin MNF chu thudik lo hmangin an elpui Party zawng zawngin an beihrawn mek niin a sawi a, thudik lo sawi tam avanga tlin theih tia Central Politics chhia seng luta mipui rilru suk an tum chu pawi a tih thu a sawi. Pu K Liantlinga chuan, Zoram pumah MNF boruak a \hat chhoh zel avang leh sorkar tura mipuiin an rin avanga sorkar lai mipuiten MNF an zawm zel niin a sawi a, hemi avang hian party dang mangangin BJP chu MNF nen thawk dun angin mipui rilru kaipen tumin thudik lo an vawrh mek chu lo awihsak lo turin a duh tih sawiin veng \henkhata a Campaign-naah MPF te hmuh lai ngeiin a bulah MNF party zawm thar leh membership fee a hnena pe an awm thu leh amah chu pawisa an lo pe zawk niin a sawi a, Campaign paha therhlo inpek an hlauhthawn chu amahah chuan a awm an rin loh thu amah zuitu MPF-te hian an hrilh hial nia sawiin Silpaulin lei chungchanga dik lo taka an puhna social media lama mi \henkhatin an vawrhdarh chu pawi a tih thu sawiin thudik ziktluak lo sawi tawh lo tura a duh thu a sawi bawk. Pu K Liantlinga hian an party zawmthar mi engemawzat a lawmlut nghal a ni.