Aizawl South III Bial Joint Block Conference chu vawiin khan Melriat Community Hall-ah Agriculture Minister, Pu KS Thanga leh AICC Gen. Secretary, Pu Luizinho Faleiro hova neih a ni.

0
281
views

 

He Conference-ah hian thusawiin hmarchhak State hrang hrang enkawltu AICC General Secretary chuan tun \uma Mizoram inthlanna neih tur atan hian Congress sorkar a ding leh ang a, chutah chuan Minister chak leh thil ti thei tak tak an awm leh dawn niin a sawi a, MNF chu BJP nena inzawm nia sawiin State dang an chawhbuai ang bawka Mizoram an chawhbuai loh nan thuneihna pe lo turin mipuite an ngen a, tunhnaia Karnataka-a bial ngaa bye election neihah Congress chuan seat 4 a la phak tih sawiin, kum 2019-a rampuma Parliament inthlanna neih turah Congress-in sorkarna a chang leh dawn niin a sawi a ni. He inkhawmah hian bialtu MLA, Pu KS Thanga, tun \um inthlanna neih tura he biala Congress candidate ni bawk pawhin thu a sawi a, he bial chhungah hian kum 2013 inthlanna neih hnuah mi thar tam takin Congress an zawm leh tawh avangin an party chu a chak dawn niin a sawi a ni. He inkhawmah hian Pu KS Thanga chuan an party zawm thar mi engemawzat a lawmlut a ni.