Aizawl South III bialtu MLA, Prof. F. Lalnunmawia’n Hmuifang leh Chawilung inkar kawng siam mek chu nimin khan a enfiah a, Contractor-in kawng siamna atana hman tura balu an chhawp chu a \ha tawk lo nia a lan avangin hnawl a, a dang ngaihtuah tir turin PWD hotute a hrilh.

0
371
views

Prof. F. Lalnunmawia chuan, MNF Sorkar hnuaia hnathawh chu a \hain, belhchian a dawl bawk tur a ni, a ti a, Hmuifang \anga Chawilung khaw panna kawng chu hun rei tak a\anga a chhiat tawh avangin hnathawktute chu a chak thei ang bera hna thawk tur leh kumin fur thlen hma ngeia kawng chhe zualpui chu siam\hat hman tum turin a chah a ni. Aizawl South III bialtu MLA chuan, Campaign laia a lo tiam tawh angin, an bial chhunga khaw hrang hrang chuan inkal pawhna kawngpui \ha an neih theih nan chak zawkin hma a la zel dawn tih a sawi a. Khawtlang hruaitu leh mipui te pawh Contractor hnathawh lo enpui a, \ha lo lai a awm a nih pawhin siam\hat tir nghal turin a chah a, kawngpui \ha an neih theih nan mipuiten mawhphurhna an nei tih an hriat a ngai tih a sawi.

Prof. F. Lalnunmawia chuan, MNF sorkar-in SEDP a kalpui tur chu thlan tla chunga hlawhtlinpui tur chi a nih avangin a taka thawh a ngai dawn a, thuthluang chunga sum dawn a, a thlawna sem dur dur ang a ni ve dawn lo tih a sawi. Lamchhip leh Chawilung khawtlang hruaituten an khawtlang mamawh an lo thlen chu hmunah a enpui nghal a, hna thawh mek chhunzawm dan tur an sawipui nghal bawk. Nimina Aizawl South III bialtu MLA, Prof. F. Lalnunmawia’n a bial chhunga hnathawh a ennaah hian PWD Hmuifang Division EE, Pu Zirsangliana bakah MNF hruaitute leh khawtlang hruaituten an \awimawm a ni.