Aizawl South III bialtu MLA, Prof. F. Lalnunmawia’n MP Candidate zingah MNF Official Candidate Pu C. Lalrosanga chu a \ha filawr hle nia sawiin, Vahrit nge Chepa tih ang vel a ni, a ti.

0
357
views

Vawiina A bial chhung Sialsuk khuaa mithar lawmluhna inkhawm a hmanpuinah he thu hi sawiin, Prof. F. Lalnunmawia chuan, inthlan a hnai tial tial a, MNF MP Candidate boruak a lian zel a, MNF kaihhruai sorkar thara rinna nghat mi \hahnem takin an party an zawm mek zel a ni, a ti a. Tunah hian Congress leh ZPM thawh hona a tui lo mi tam tak an la awm mek a, chung mite pawh chu an party chuan a lo lawm vek a ni, a ti. MP inthlan tura MNF Candidate, Pu C.Lalrosanga chu a mimal \hatna bakah a phena awm MNF sorkar hna thawh \hat chu mipuiten an hmuh hmaih a rin loh thu a sawi a.

Prof. F. Lalnunmawia chuan, ZPM chu kalphung thar neia insawi \hin ni mahse, an hotute \awngkam leh thusawi duh danah kalphung thar a lang lo hle a ni, a ti a. BJP-in sum hmanga MNF \anpui anga an puh te, nikum lama an buaipui em em MNF President beih nana Pu Thansanga thu an sawi tirte pawh thu belhchian dawl lo a ni tih sawiin, thu dik lo hmangin bei \hin mah se, thu dik chu a tawpah a lo lang leh \hin a ni, a ti.