Aizawl South III huam chhung Thiak MNF \halaiin Political Training an neih chu he bial viltu, Dr. F. Lalnunmawia’n a hmanpui a, Congress party-in sum hmanga vote lei an tum chu ruai hnunawi ei tura insawm ang chauh a nih thu a sawi.

Congress Party rorel hun chu a tawp tawh nia sawiin, Dr. F. Lalnunmawia chuan, tunah hian an tla tur mangangin sum an chelek nasa hle niin a sawi a, tuna MNF boruak \ha chho mek chu a tihchhiat nan sum sem bak hmachhuan tur an nei tawh lova, hetiang hi ni mah se, mipuite an fin tawh avangin sum hmanga lei tur an hmuh zawh a rinawm tawh lo tih a sawi.

He inkhawm hi Thiak MNYF President, Pu Vanlalmawia’n a kaihruai a ni.