Aizawl Chhim lama YMA Branch hrang hrang 16 intel khawm, Aizawl South Joint Operation invuahin kumin March ni 11-a\anga June ni 4 thlenga ruihhlo chi hrang hrang an man khawm chu vawiin khan Silaimuala Zampuimanga lungphun bulah Minister of State, Pu KS Thanga’n a hal ral. An ruihhlo hal ral hi heroin hawng 92, cane 232, chhinsen bur 6 leh a chanve, Alprozelam strip 122, Tramadol strip 26, damdawi ruih nana hman chi bur 22 leh ganja fun 15 a ni a, Aizawla an hralhna anga chhutin Rs.52,18,900/- man vel a ni. Aizawl South Joint Operation pawlah hian Aizawl khawpui chhim lama veng hrang hrang – Tuikhuahtlang, Mission Veng, Mission Vengthlang, Model, Thakthing Veng, Damveng, Venghnuai, Salem, Kulikawn, Tlangnuam Branch hrang hrang 3, Saikhamakawn, Melthum leh South Hlimen te an tel a ni.
