Aizawl Theological College-in kumina an zirlai zova chhuak tur mi 66 te thlahna inkhawm, Valedictory Service vawiin khan an hmang.

0
301
views

ATC Chapel-a neih inkhawm hi ATC Preicipal Rev. Prof. Vanlalnghaka Ralte in a kaihhruai a, Valedictory Service hmanpuitu Synod Senior Executive Secretary Rev. Lianhmingthanga Sailo chuan, zirlai kal chhuakte hnenah Certificate hlanin, zirlai chhuakte chu Lal Isuan Petera hnenah ‘Hengte ai hian nangin kei min hmangaih zawk em’ tia a
zawhna chu inzawt nawn fo turin a fuih a, thil dang
zawng aia Pathian leh a rawngbawl hna ngai pawimawh reng turin a chah a ni.

Kumin hian ATC atang hian mi 27 in B.D an zo a. DCPC zir zo mi 3 awmin, Department hrang paruk atangin Master of
Theology zir zo mi 34 leh kumina Doctor of Theology D.Th zo tur mi 5, an vaiin degree thar dawng tur mi 66 an awm a ni.

Kum danga an tih \hin angin zirlai ti \hate hnenah lawmman chi hrang pasarih sem a ni a. Valedictory Service-ah hian ATC-a thawktute leh zirlaite bakah, Synod hotu pawimawh te, Theological Education Board member te leh he hun hmanpui tura sawm bikte an tel a ni.