ATC-in College Day an hmanaah hian Principal Rev. Dr. Vanlalnghaka Ralte-in ATC rawngbawlna chanchin a sawi a. A hmanpuitu Synod Moderator, Rev. R. Lalhmingthanga’n kum 2018-19 academic session chhunga zirlai ti\ha zualte hnenah chawimawina chi hrang hrang a hlan a. Kumina zirlai chhuak zinga \ha ber lawmman, Dr. C. Biakmawia Prize chu C. Zaihnuna, New Champhai hnenah hlan a ni. ATC College Day-ah hian thupui atan “Challenges in Our Christian Ministry Today,” tih hman a ni a, he thupui hmang hian ATC Principal lo ni tawh Rev. C. Rosiama’n Pathian thuchah a sawi a ni.
ATC hi kum 1907 khan Tirhkoh zirna sikul tia hawn \an a ni a, kum 2013-ah Doctor of Theology zirnaa hlankai a ni. Kum 2019-20 Academic session kal mekah ATC-ah hian BD zirlai 108, M.Th zirlai 56 leh D.Th zirlai 6, an vaiin 170 an awm a. Zirtirtu 29 leh thawktu dang mi 32 an awm bawk.
