Aizawl Treasury Square-a Education Centre sak thar chu Education Minister Pu Lalchhandama Ralte in a hawng a, School Education Directorate chu he buildingah tharah hian sawn tum a ni.

0
93
views

Education Centre tia vuah, building thar hi Special plan assitance cheng nuai 800 leh NEDP sum cheng nuai 174 a vaiin cheng nuai 974 senga sak a ni a, mizopa chhiarin chhawng 7 a ni a, lirthei LMV 30 leh ke hnih nei chi 40 dah theihna tur hmun pawh ruahman tel a ni. Building thar hawngtu Pu Lalchhandama Ralte chuan building thar chuan thawktute rilruah rilru thar leh ngaihtuahna thar thlen se a duh thu a sawi a, office hun ngaih pawimawhna te leh office dawrtute chunga hawihhawmnate keng tel se a duh tih a sawi.

Pu Lalchhandama Ralte hian Mizoram sorkarin Human Resource Development Board a din hmangin zirna siam\hat hna, Education reform kalpui tum a ni a ti a, Hindi zirtirtu lak tharna tur central sorkar a\anga phalna hmuh a nih tawh thu sawiin, tuna phalna hmuh chuan kum 2020 March thla thleng hlawh tur chauh a huam avangin, a hnu lama Central sorkarin kalpui zel a tum dan zawhfiah mek a ni a ti.

Education Centre hawnna inkhawmah hian khualzahawm Human Resource Development Board Vice Chairman Pu L.Thangmawia pawhin thu a sawi a ni.