Aizawl Treasury Square-ah transformer pahnih chhia

0
657
views

Aizawl Treasury Square vela kawlphetha pek chhuahna transformer pahnih a chhiat avangin vawiin thleng khan Treasury Square vela office leh vengten kawlphetha an hmu thei lo. ZONET zawhna chhangin Power & Electricity Deptt. hotute chuan Agriculture Office chhak, PWD Office bula 250 KVA transformer, Zirtawpni kaltaa chhia chu siamthat a nih hnuah nimin tlai khan Dak Inpui bula 500 KVA transformer chu a chhe ve leh a, a thlakna tur 500 KVA transformer a awm mai loh avangin 250 KVA transformer pahnih hman tum a ni a, heng zinga pakhat chu Luangmuala 132 KV Sub Station atanga lak tura tihfel a ni tawh a, a dang pakhat chu Chaltlanga DIET Office bul atanga lak a ni tawh bawk a, a bun hna hi chhun zan zawma thawhzui nghal a ni ang. Hna thawh a tluan theih chuan naktuk chawhnu lamah chuan he transformer-in a chawm veng hrang hrangte chuan eng an hmuh theih tawh beisei a ni.