Aizawl Venghluia Sialkal Range Development Council Cell Office thar chu tukin khan Chief Minister Pu Zoramthanga’n a hawng.

0
635
views

Sorkar laipuiin mipui rawng a bawl dan kalphungah hmun khata thuneihna dah vek lova inrelbawlna semsawm chu a duh dan a ni a, hmasawnna rualkhai tak nei tur chuan a sang ber a\anga a hniam ber thlenga mipui mamawh hriatchian a \ul a, mipui ten neitu nihna an neih a pawimawh tih sawiin Pu Zoramthanga chuan, a kaihhruai sorkar pawhin mipui mamawh hriat chian chu a ngaihpawimawh hle a ni, a ti. Sialkal Range Development Council hruaitute chu an huamchhunga mipui mamawh hrechiang a, mipuite nen an zavaia hmasawnna hna thawh ho theih a ni tih hre reng turin a chah bawk.

SRDC Chairman, Lengteng Bialtu MLA, Pu L. Thangmawia pawhin, SRDC in Cell Office thar a nei chu thil chhinchhiahthlak tak a ni, a ti a. An huam chhunga zirlaiten hma an sawn theih nan SRDC chuan zzirlai ti\ha leh taimate tan Mizoram pawna excursion a buatsaih tur thu leh, competitive exam a lut tura coaching class ngaihtuahpui tum a nih thu a sawi a. Mipuite hriselna ngaihpawimawh a nih thu a sawi bawk. Sialkal Range Development Council hi kum 2012 khan din a ni a, Lengteng leh Champhai North bial-a khaw 6 a huam a ni.

Inkhawm hi Ngopa Civil SDO Pi Lalhruaitluangi’n a kaihruai a, Champhai North bialtu MLA Dr. ZR Thiamsanga pawhin thu a sawi bawk.