Aizawl West-I biala Assembly bye election April ni 11-a neih tura MNF Party candidate Pu Zothantluanga chenna inah vawiin khan MNF Block Extended Joint Meeting neih a ni a, hetah hian inthlanna hmachhawn dan tur leh hnehna an chan theih dan tur chungchang an sawiho a ni.

Hetah hian thusawiin Pu Zothantluanga chuan hmasawnna tura an party MLA hmasa Pu K. Sang\huamah hmalakna te chhunzawm a nih dawn thu te sawiin theihtawp chhuaha mipui rawngbawl a tum tih a tarlang a, he biala thlantlin ZPM hruaitu, Pu Lalduhoma’n an bial a chhuahsan chu mi tam takin an hrethiam lo nia sawiin, MNF lam an awn dawn niin an sawi a ni.