Aizawl West I bialtu MLA leh he biala MNF Candidate, Pu K. Sang\huama’n kumin Assembly inthlan turah Political party-ten MNF a sorkar dawn nia an hriat avangin an beirawn mek niin a sawi.

0
402
views

 

He thu hi vawiina Phunchawnga an party intawhkhawmah sawiin Pu K. Sang\huama chuan, party zawng zawng beihrawn an ni chu an tan malsawmna a nih zawk thu a sawi a, hemi avang hian an party chu nasa takin an pun phah zawk nia sawiin beihrawn an nihna hian Assembly inthlanah thuneihna an chang ngei dawn tih a ti chiang hle niin a sawi.
Pu K. Sang\huama chuan, mi\henkhatin BJP nena thawkdun anga an sawi chu thudik lo, mipui rilru kawihpen tumna mai niin a sawi a, BJP nena thawkdun chu Congress leh ZPM Chief Minister Candidate Pu Lalduhoma te an ni zawk nia sawiin, thudik lo hmanga mipui rilru kawihpen tumtute chuan sim se a duh tih a sawi. Pu K. Sang\huama chuan, kumin Assembly inthlana thuneihna an chana, amah chu thlantlin a nih bawk chuan Phunchawng khua chu nasa takin tihmasawnna a ni dawn niin a sawi a, tui connection la awm mumal lote, khelmual \ha siam te, bazar building \ha siam te chu an ngaihpawimawh hmasak tur niin a sawi a ni. Pu K. Sang\huama hian an party zawm thar mi engemawzat a lawmlut nghal bawk.