Aizawl West-I bialtu MLA Pu K Sangthuama’n Congress sorkar chu lei dawh lama hlawhchham-ah a puh

0
490
views

Aizawl West-I bialtu MLA Pu K Sangthuama’n Congress sorkar chu lei dawh lama hlawhchham-ah a puh. Lungverh Unit MNF vantlang inkhawm vawiina neih hmanpuitu Pu K Sangthuama hian Congress sorkarah kum 4 chhungin lei tum 6 a chim a, mihring nunna 3 in a tawrh phah bawk a ni a ti a, Sorkar chuan tih tak takna nen hna a thawk ngai lo tih a lantir niin a sawi a, ramdangah kum 4 chhunga lei vawi 6 chim thawm hriat tur a la awm ngai lo niin a sawi. Pu K Sangthuama chuan, Congress sorkar chuan lei dawh chungchangah ngaihtuahna thar an ngeih a ngai niin a sawi a, man to zawk pawh nise RCC hmang chauha lei dawh that ni thei se a duh thu a sawi. Pu K Sangthuama chuan, kumin Assembly inthlanah thuneihna an chan chuan Congress sorkara mipui beidawngte tan beiseina thar an siam sak dawn niin a sawi a, Mizorama thil thleng hrang hran chuan congress sorkar chu mipuiten an hnawl dawn tih a lantir niin a sawi bawk. Pu K Sangthuama hian an party zawm tharte a lawmlut nghal a, Inkhawm hi Lungverh Unit President Pu Lalchhuanawma’n a kaihruai a, AMC Councillor Pu H. Zonunsanga leh Block hruaitute pawh an tel a ni.