Aizawl West I huam chhung, Sairang Congress Campaign Office chu he biala Congress Official Candidate, Pu PC. Laltlansanga’n vawiin khan a hawng.

0
568
views

He inkhawm hi Sairang VCP, Pu Vanlalrammawia’n a kaihhruai a, tuna Sorkar hmachhawp hrang hrangte a hlawhtlin theih nan Congress-in thuneihna an chan chhunzawm a ngai tih sawiin, Pu PC Laltlansanga chuan, Congress party-in hnehna a chan leh theih nana tuna \an an lak chu MLA Candidate tan mai ni lovin an mahni leh Mizoram tan a ni tih hriaa \ahnem ngai taka \anla turin an Party mite a chah a ni. Hmasawnna a thlen rual loh chuan ram a changkan tak tak thei lo nia sawiin, mimal tin leh chungtin hmasawnna chu ram hmasawnna a nih angin Pathian leh mipui zara MLA atana thlan tlin a nih chuan chhungkaw tinin hma an sawn theih nan chak takin hma ala dawn niin a sawi. Pu PC Laltlansanga chuan, Sairang khua chu Mizorama chanchin\ha thlentute chawlh hmasakna hmun a ni tih sawiin, Mizoram inkalpawhna kawngpui pawimawhin a tan tlang, British hun lai a\anga awm tawh leh rel chawlhhmun atana buatsaih mek a ni tih sawiin, heti khawpa khawpui pawimawh a ni chunga hma a sawn thei lo chu vanduaithlak a tih thu a sawi a, hei hi a chhan ber chu rulling MLA an neih ngai loh vang nia sawiin, an bial leh khaw mipuiten hma an sawn ve theih nan rulling MLA ngei an thlan tlin a hun ve tawh a ni, a ti a. Sairang bul maia Tlawng lui luang chu Aizawl khawpuiah Pump chhoh niin, hnianghnar taka tui hman tur an neih laiin, a khaw neitu Sairang mipuite chuan kawr tui an la ring chu lungchhiatthlak a tih thu a sawi.

Pu PC Laltlansanga chuan, Congress-in thuneihna an chang a nih chuan NLUP chu an sem chhunzawm dawn tih an Party Manifesto-ah chiang taka tarlan a ni tih sawiin, NLUP hi an sem chhunzawm dawn satliah a ni mai lova, Sorkar hnathawk hlawh pung zel milin NLUP a sum sem zat pawh ennawn a, tihpun chhoh zel tum a ni tih a sawi. He inkhawmah hian Congress Party zawm thar mi engemawzat chu Pu PC Laltlansanga hian a lawmlut a ni.