Aizawl West I huam chhunga Phunchawng Congress Unit-in intuaitharna hun vawiina an buatsaih chu MPCC Communication Department Chairman, Pu PC. Laltlansanga’n a hmanpui.

0
224
views

 

MNF Party-in sorkar tuma ke an pennaah SEDP hmanga chhung tin hnena cheng nuai 3 sem an tiam chu sorkar pawh nise an tih theih miah loh tur a ni a ti a, hetiang thu sawitute hi MIP hmanga cheng sing 5 sem intiama an sorkar hnua cheng 4,500 chauh sem leh si tute kha an ni a ti. SEDP hmanga cheng nuai 3 sem tura an intiamna chu mipuiin an awih sak lo niin a sawi. Aizawl West I bial viltu nibawk, Pu PC. Laltlansanga chuan, tuna MNF-in MLA 5 a neih mek te chu tlingkim leh vek pawh ni se sorkar turin MLA 16 dang an neih belh a la ngaih cheu avangin an tan sorkar ve ngaihna a awm rih lo niin a sawi bawk. He inkhawm Phungchawng JJ Hall-a neih hi an Unit President, Pu D. Lalrinliana’n a kaihruai a, Congress Party zawm tharte Pu PC. Laltlansanga hian an Party-ah a lawmlut a ni.