Aizawl West I huam chhunga Zotlang Unit Congress Campaign Office chu an veng pa, Serlui bialtu MLA ni bawk, Pu K. Lalrinthanga’n vawiin khan a hawng.

0
356
views

Campaign Office hawn zawha inkhawm neihah Pu K. Lalrinthanga chuan, an party-in kum 10 chhung sorkar an kaihhruai tawh avangin an Party mi leh sa zingah MLA candidate nih tum mi engemawzat an awm thu sawiin, Candidate siam chungchangah hian an Party hotute chuan ngaihtuahna tam tak an seng niin a sawi a, Candidate ni thei awm tam tak zinga tling tura duhthusam \hiau an thlang chhuak thei chu fakawm a tih thu sawiin, bial hrang hranga an party candidate-te chu an tlin \heuh theih nan an party mite chu an theihna zawn zawna \an la \heuh turin a chah a ni.

Pu K. Lalrinthanga chuan, kum 10 ro an rel chhungin State sum dinhmun an siam \ha hman nia sawiin, tunah chuan sorkar hnathawk hlawh lak tur nei lo tih thawm sawi a awm ngai ta lo niin a sawi a. Aizawl West I bialah tun hmain Congress Party-in MLA a la nei ngai lo mah se, tun \umah erawh candidate \ha tak an neih avangin Congress MLA an nei ngei dawn niin a sawi bawk.

He biala Congress Official Candidate, Pu PC Laltlansanga pawhin thusawiin, an bial chu MNF sorkar chhung khan kum 11 leh a chanve zeta rei Cabinet Minister bial an ni tih sawiin, heti chung hian hmasawnna hnathawh tur a la tam em em reng niin a sawi a. Congress Party-in hnehna an chan chuan veng hrang hranga inkalpawhna kawng, step, culvert leh thil \ul dangte siam\hat vek a ni dawn niin a sawi. He inkhawm hi Zotlang Congress Unit President, Pu Japanthanga’n a kaihruai a, an party zawm thar mi engemawzat lawmluh nghal an ni.