Aizawl West II bialtu MLA nilai, MNF Candidate ni bawk Pu Lalruatkima’n Congress party chu Campaign hman lo khawpin an mipui lungawilo thlemin an talbuai niin a sawi.

0
282
views

 

Kanan venga Aizawl West II Block MNF Special Conference ah thu sawiin, Pu Lalruatkima chuan, Congress chu an mipuiten nitin an chhuahsan niin a sawi a, Congress MLA pali an bang tawh a, an official candidate te independent-a din thuah tum an awm mek bawk nia sawiin Palak biala candidate in chuh vangin an MDC 6 chu an nghing mek bawk niin a sawi.

Pu Lalruatkima chuan, an party Candidate turte zingah Doctorate degree nei te, Ukil te, College leh University-a zirtirtu leh Kohhran Upa leh \halai hmelthar engemawzat an awm nia sawiin ram rorel tura duhawm tak leh mipuite tan pawha thlan nahawm tak tur an ni hlawm niin a sawi a, mipui ten nitin mamawh hnianghnar taka an hmuh theihna chu MNF ngaihpawimawh ber a ni a ti a, Congress sorkarin an tihtawp tawh Ration Chini sem \hin chu an chhunzawm leh dawn nia sawiin, eirawngbawlna Gas pawh hnianghnar zawka mipui hnena pek an tum tih a sawi a, hemi ti thei tur hian Mualkhanga LPG Bottling plant chu tilianin , FCI Godown pawh siam a ni ang a ti a, Zofate rorelna pakhat hnuaia awm leh theihna turin chak zawka hmalak an tum niin a sawi bawk

Inkawm hi Block President Pu R Thanglura’n a kaihruai a, an party zawmtharte Pu Lalruatkima hian a lawmlut bawk.