Aizawl West II Bialtu MLA Pu Lalruatkima’n Congress sorkar chu NLUP hmanga Mizo mipuite rilru leh mahni ke a ding tura tumruhna tih chhiatsakah a puh.

0
357
views

Vaivakawna an party buatsaih vantlang inkhawmah thu sawiin Pu Lalruatkima chuan Pathian programme tia Congress in NLUP an tlangau pui chu CAG report in a \hiah sak niin a sawi a, NLUP leh NEDP te chu vote zawn nana hmang mekah puhin hei hian Kohhran leh Sorkarah kar a siam niin a sawi a, Kohhran te \awngtai chhanna chu zu \ha zawrh anih thu te an sawi hial niin a sawi. Zu zawrh chungchangah Congress party hotute ngaihdan a in ang ta lo nia sawiin an chhungkua a buai ta hle niin a sawi bawk. Pu Lalruatkima chuan inkalpawhna kawngpui ngaihthahah sorkar puhin mipui mamawh eirawngbawlna Gas pawh a vang hle niin a sawi a, mipui mamawh phuhru zawnga kal loah sorkar chu puhin Ration chini sem \hin pawh tih tawp a ni a ti a, hetihlai hian Sorkar laipuiin chini-ah KG 1 Rs 18.50 subsidy a pe thei niin a sawi.