Aizawl West II Congress Candidate, Dr. Lalmalsawma Nghaka chuan tute hmanrua emaw hmanga hampuar MNF balloon a keh tawh a, Congress party erawh chu an hruaituten mipuite tana hmanrua an duan hmangin an inhampuar mek niin a sawi.

Tuikual North Unit I Election Campaign Office vawiina a hawnnaah he thu hi sawiin Dr. Lalmalsawma Nghaka chuan Congress party lo chu party dang sorkar tur an awm lo niin a sawi a, party dangte chu a ruk a rala Mizo hnam leh sakhaw him lohna tur zawnga tute emaw biak nei nia sawiin, Tripura Chief Minister pawhin he thu hi a nemnghet niin a sawi a ni. He campaign office hawnna inkhawm hi an party unit President, Pi F. Lalbiaktluangi’n a kaihruai a ni.