Aizawl West II huam chhung Vaivakawna ZPM Campaign Information Office chu he biala ZPM candidate, Pu Lalhmangaiha Sailo-in vawiin khan a hawng.

0
306
views

Hawnna inkhawm Aizawl West II ZPM Block President, Pu Lalmana kaihhruaiah hian thusawiin, Pu Lalhmangaiha Sailo chuan, kohhran mipuiten tuna sorkar kal dan leh hmalak chin chu an duhkhawp loh avanga \angrual pawl chu din a nih avangin an kalphung leh sukthlek chu mipuiin an ngaihven hle niin a sawi a. Tunah hian khaw hrang hrangah ZPM chu a \hang duang mek a, sorkarna siam thei turin an dinhmun a \ha tawk niin a sawi. Pu Lalhmangaiha Sailo chuan, kumina Mizoramin Assembly inthlanpui a hmachhawn tur chu ram chhiatna emaw, hmasawnna tura ke pen bul \anna emaw a nih dawn avangin ngaihtuahna fim tak hmanga vote thlak turin mipuite a chah a, tun \umah hian mipuiten duhthlanna an hmang sual a nih chuan ram tana chhiat lehzualnaah Mizoram hruai luh a ni thei dawn niin a sawi a ni.

Thusawitu dang, Rev. Robawiha pawhin, khawvel hi Pathian siam a nih angin a remruatna leh duh danin a kal \hin a, mihringten an tichhia a nih pawhin an thil tihsual siam\ha theitu chu mihringte bawk an nih avangin chumi a thlen theih nana inbuatsaih tura Pathian \anpuina dil \hin a pawimawh a, ZPM chu Political Party ni lovin ram siam\hatna tura hmalatu pawl an nih avangin, thuneihna an lo chang a nih chuan party bil sorkar din lovin mipui sorkar din tura hmalak chu an thil tihhmasak tur a ni dawn niin a sawi a, ZPM-in thuneihna a chan hunah chuan Assembly House chhungah bak eptu pawlte an \hu hrang tawh dawn lova, eptu leh sorkar lai MLA te chu ang khat veka en an ni ang a, mi zawng zawngin an chanvo an hmuh theih nan hma an la dawn niin a sawi.