Aizawl West III bialtu MLA, Pu Vanlalzawma’n sorkar chu Information Technology ngaihthahah a puh.

0
250
views

He thu hi vawiina Khatlaa VTR Skill Training Center a hawnnaah a sawi a. Pu Vanlalzawma chuan sorkarin IT lam a ngaihthah avangin tuna Information Communication Tecnology Deptt. pawh mipuiin an hre tawk lova, an chhawr tur angin an chhawr thei lo niin a sawi a, Deptt. enkawl nan pawh Budget-ah sum dah a tam lo hle niin a sawi a, kumina Assembly inthlannaa thuneihna an chan chuan mipuiten \angkai zawka an chhawr theih turin IT Deptt. chu tihchak a ni dawn niin a sawi a ni. Pu Vanlalzawma chuan tunlai thiamna sang zelah Computer thiam lo nih chu thil zahthlak a tling ta niin a sawi a, \halaite chu tunlai thiamna ban phak zel tura inzir tura a duhthu a sawi a, hetihrual hian IT-in awlsamna nasa tak thlentu nimahse a hman dan thiam loh chuan chhiatna thlentu a nih theih thu a sawi bawk. Pu Vanlalzawma chuan tunlaiin IT hmang \angkaia mi bum ching tam tak an awm niin a sawi a, Bank Account tihbuai saka an sum tam tak ruk ching an awm thu sawiin fimkhur a pawimawh hle niin a sawi a, Social media hman dan thiam tawk loh avanga thubuai nei tam tak an awm thu sawiin hman dan tawk thiam a ngaih thu leh insum theihna neih a pawimawh nia sawiin mipuite chu hemi kawnga fimkhur tura a duhthu a sawi a ni. Inkhawm hi Pi Remtluangi Renthleiin a kaihruai a, Khatla Local Council aiawhten thu an sawi bawk.