Thusawiin Pu Lal Thanhawla chuan Zoram dung leh vangah Congress Party-in harh tharna an chang mek niin a sawi a, Mizoram hmun hrang hrangah an party zawm thar an awm zel niin a sawi bawk.
Pu Lal Thanhawla chuan, kum 2008-a an party-in sorkarna a chan leh khan sorkar hmasa tihchhiat nasa takin an siam \ha nia sawiin, NLUP hmangin mi rethei harsate an khai chhuak tih a sawi a, Tuirial Hydel Project kawlphetha megawatt 60 pechhuak thei tur sorkar hmasa hunlaia pam\ul tawh chu siam \hat a nih thu te, Mizorama la awm ngai lo Doctor zirna, MIMER din theia awm te chu Pathian malsawmna niin a sawi a ni.
He inkhawm hi Aizawl West III Block Congress President, Pu C. Darthankima’n a kaihruai a, Social Welfare Minister, Pu PC Lal Thanliana leh he bial viltu MPCC Secretary, Pu Vanlalruata te pawhin thu an sawi a ni. An party zawm thar mi engemawzat Pu Lal Thanhawla hian an Party-ah a lawmlut a ni.
