Aizawla Assam Rifles awmte hi kumin May ni 31 hmaa an awmna hmun thar tura siam, Zokhawsanga insawn vek tura hriattir an ni.

0
557
views

Hemi chungchanga Ministry of Home Affairs thupek hi tun thla ni 19, kar kalta Thawhlehni khan chhuah a ni a, he thupekah hian Aizawla Assam Rifles battalion chu Zokhawsanga an awmna tur hmun siam tharah insawn nghal tura hriattir an ni a, Mizoram Chief Secretary chu Assam Rifles ten tui leh eng pekna lam la \ha tawk lo nia an sawi leh a panna kawng siam\hat la ni lova an sawite chu kumin April ni 30 hmaa zo fel turin an hriat tir a ni.

Zonet thu dawn danin Assam Rifles te Aizawl khawpui a\anga sawn chhuah thuai an nih nan tun thla ni 7 khan New Delhi-ah Additional Secretary (Police) Pu Praveen Kumar Srivastava kaihhruaiin thil sawi ho a ni a, hetah hian Joint Secretary Home, hmarchhak bial changtu Pu Santyandra Garg, Assam Rifles aiawhin an DIG Brig. Vinod leh Mizoram sorkar aiawhin Additional Secretary Home, Pu Lalbiakzama te an tel a, Assam Rifles ten Zokhawsanga an awmna hmun tur siam chu tui leh electric eng pek mumal a la ni lo leh a panna kawng pawh siam\hat a la ni lo nia an sawi chu Additional Secretary Home chuan a \hat tawk tawh thu leh tun hnaia a hmuna thil awmdan an enfiah pawha \ha tawk nia an hriat thu he meeting-ah hian a tarlang a, hemi hnu hian Assam Rifles te chuan Quarters Guard leh a chung tlang velah an Quarters te chu la luah zui leh an duh thu te, an Commandant chenna in Loch House te chu luah zui rih an duh thu an sawi te chu pawm lovin Ministry of Home Affairs-a thuneitute chuan heng te pawh hi chhuahsan vek turin an hrilh a ni. An insawn chhuah \an hma hian Joint Inspection neih phawt rawt a ni a, hetah hian Mizoram sorkar aiawhte chuan Ministry of Home Affairs aiawh tel turin an ngen a, Joint Inspection hi March ni 11 hnu lamah neih theih beisei a ni.