Aizawla Assam Rifles Battalion hmun pui, Lammual leh a chhehvel ram, Assam Rifles ten an luah reng laia LSC tam tak pek chhuah a nih thuah LSC siamtute zawng chhuaka hremna pe turin Central YMA in Mizoram sorkar a phut.

0
450
views

Hemi chungchang hi Central YMA Executive Committee meeting, an President Pu Vanlalruata hova vawiina neihah sawiho a ni a, dan kalha LSC pekte Cancel tura Cabinet meeting-in hma a la chu lawmawm an tih thu an sawi a, Aizawl khawpui a\anga Zokhawsanga Assam Rifles sawn chhuahna tura Ministry of Home Affairs in thupek a chhuah chu lawmawm an tih thu an tarlang bawk a ni. Assam Rifles ten an chhuahsan tur ram hi mimal hnena pek leh sahthlak chu Central YMA chuan rem a ti ngai dawn lo tih sawiin he ram hi Mizo mipuite tana thil \ha leh rotling siam nan a tawp thlengin beih an tum tih an sawi a, he lai hmuna LSC neite chu an LSC kawl reng lova sorkara pe let turin an ngen bawk a ni.