Aizawla Mahatma Gandhi Road-a Bible House hmun hlui zawn kawng chhuat bal laia thir lei, feet 170 vela sei, feet 20 chuanga zau dawh hna Blue Hill Engineering-in a thawh mek chu tunah hian a ruhrel remkhawm mek a ni.

0
346
views

Blue Hill Engineering Group hotu, Dr. R. Lalthlamuana chuan an hna tawh zawh hun tura ruat chhunga lei dawh hna an zawh theih loh nachhan chu Tuikhuahtlang kawng a\anga Crane hmanga lei dawhna hmanrua thir rit pui pui khai tum chu a theih leh tak loh vang niin a sawi a, mi thiamten kawng awmdan an en hnuah he kawngah hian rit chawi chi Crane dah a nih chuan a dawl zo dawn lova an ngaih avangin Crane rawih theih a ni ta lova, mihring tha hmang veka thil tih a ngaih tak avangin hnathawh a chak thei lo niin a sawi a ni. Dr. R. Lalthlamuana chuan he lei dawh turah hian a laiah ban dah a ni dawn lo niin a sawi a, a tih chak nan a sir tawn tawnah thir lian tak tak ‘D’ anga rem kual siam a ni anga, chu chuan leia motor rit phur tlan a dawl zo dawn niin a sawi a ni. He lei hi motor rihna nen tone 100 dawl zo tura ruahman a ni a, dawh zawh a nih hun chuan tuna Aizawl chhim lama Traffic Jam \hin chu nasa takin a ziaawm dawn a ni.