Aizawlah No Vehicle Zone siam

0
742
views

Krismas leh kumthar lo thleng turah Bazar leh a chhehvela chakkhai dapa ke-a kalte an him zawk nan vawiin khan Aizawlah, lirthei kal phal lohna hmun “No Vehicle Zone” siam a ni a, mipuite chu zalen takin an vei vel thei a ni. No Vehicle Zone hi chawhma dar 10 a\anga tlai dar 4 thleng siam a ni a, hemi chhung hian Chanmari leh Zodin Square inkarah Thirsakawr leh Nawrlirh tiamin lirthei eng chi mah tlan luh phal a ni lo a, Traffic Police OC, Pu Lal\anpuia chuan, No Vehicle Zone siam a nih chhung hian buaina leh harsatna thleng a awm lo tih a sawi. No Vehicle Zone hi kum 4/5 vel siam a nih tawh avangin mipuiin a \angkaina an hrethiam tawh a, bawhchhiat tum pawh an awm lo niin a sawi bawk. Aizawl chhim leh hmar inkalpawhna kawngpui khar a nih avanga a helna kawng siamah pawh Traffic Jam vanga harsatna lian tham a thleng lova, dar 1 vel khan Chanmari West a\anga Hunthar veng pengah Bolero pakhat a chhia a, hei hian hun eng emaw chen, lirthei che vel a tibuai deuh tih loh chu harsatna dang a awm lo nia thu dawn a ni. Nikum lama Bazar chhunga mipui an innek buai loh nana Police-ten Bazar chhung kal dan an rem ang kha kuminah hian tih a nih tak loh avangin Bazar chhung chu a t^wt deuh a, hei hian mipui vei vak a tibuai deuh niin a hmuna tlawhtu Zonet palai chuan a sawi.

No Vehicle Zone siam a nih chhung hian Aizawl khawpui chhung Chhim leh Hmar inkarpawhna kawngpui, Main Road khar a ni a, hmar lam pan turte chu tlak lamah Temple Square a\angin Vaivakawn lamah kalin, Hunthar veng lam an pan a, LMV leh a hnuai lam chu Company peng lamah kalin Bawngkawnah an chhuah chhoh bakah Chanmari West lamah kalin, Chanmari kawnah an chhuak chho thei a. Chhuah lamah chuan Sikulpuikawn a\angin Republic veng lamah kalin, Bethlehem a\angin Chhinga veng lamah a kal a. Treasury Square a\angin Republic veng lamah kual lutin, Electric veng lamah a chhuah theih bawk a. Chhim lam pan turte chu tlak lamah – Chanmari Biak In bul a\angin Chanmari West lamah chhukin Vaivakawn lamah an kal a. Chhuah lamah chuan Bawngkawn a\anga kawng hnuaiah kalin, Ramhlun tan tlangin Electric a\angin ITI veng lamah an kal thei bawk a ni. No Vehicle Zone hêlna kawngah hian lirthei eng chi mah, kawng dala hun phal a ni lova, hei hian chhiat rupna, kangmei chhuak leh Emergency-a duty te a huam lo a ni. No Vehicle Zone hi naktuk, Inrinni-ah pawh siam leh a ni ang a, December ni 30-ah siam leh a ni bawk ang.