Akhilesh Yadav-a kaihhruai, Samajwadi party-in Mamata Banerjee kaihhruai Trinamool Congress a thlawp tur thu a puang.

0
497
views

Samajwadi Party Vice President Kiranmoy Nanda chuan Mamata Banerjee hi BJP hneh thei awmchhun a ni tih sawiin West Bengal-ah Trinamool Congress an thlawp tur thu Thawh\anni khan a sawi a, SP chuan an thlawpna tihlan nan rally a huaihawt dawn tih a sawi. Hetih rual hian Congress President Rahul Gandhi-a’n a dinna tur Amethi-a chona lian tham tak a tawh laia bial dang, Karnataka emaw Kerela emaw a\anga seat chuh tel a tum thu a sawi chu a sawisel a, Congress party chu inpuahchahna nei \ha tawk loah a puh a ni.

Kiranmoy Nanda chuan an party SP hian Bahujan Samaj Party leh Rashtriya Lok Dal te nen thawh ho an tum tih a sawi a, Congress party tan seat 2, Amethi leh Raebareli te chu an dah thei tih sawiin, hetihlai hian Uttar Pradesh-a bial 80-a bial 73 te chu Congress hian chuh an tum tih a sawi a, heng bialah te hian an inbei dawn tih a sawi. SP-BSP-RLD party inzawm chuan BJP te hnehin seat 60 chuangah hnehna an chan a rin thu a sawi bawk.

Amethi bialah hian Rajiv Gandhi leh Sonia Gandhi thlawptu ni \hin, tual chhung party leader ni bawk Haji Sultan Khan-a fapa Haji Haroon Rasheed-a chuan Rahul Gandhi khin a tum thu a sawi a, he bial vekah hian kum 2014 inthlan-a Rahul Gandhi khingpui lian ber BJP candidate Smriti Irani a ding leh dawn bawk a ni.