Al Qaeda mifirfiak pawl hruaitu Ayman al Zawahiri-a’n Kashmir-a India Sipaite leh J&K sorkar a vau.

0
93
views

He vauna hi video-a tihchhuah a ni a, chutah chuan Kashmir theihnghilh suh tih a tarlang bawk. Ayman al Zawahiri chuan Kashmir-a ramri kana helpawlte chetnaah Pakistan a inrawlh tih a sawi tel bawk a ni. Amah chu Muslim ni lo zawng zawngte dodala, suattu tur a ni tih a sawi a, India sipai leh Kashmir sorkar chakna chu tihchhiata an laka tawrhna thlentir a tum thu a sawi a, India ram inrelbawlna leh ei leh bar zawnna hnar zawng zawng te ti chhia a, tawrhtir a tum tih a sawi bawk. He video-ah hian Al Qaeda helpawl hotupa chuan a ding lamah silai a keng a, a veilamah Quran bu a keng bawk a ni.

Zawahiri chuan Pakistan sipai leh sorkar chu America-in an duh duha an koh kal theihah puhin Al Qaeda chuan Pakistan thanga awh theihna an pumpelh tur a ni a ti bawk.

Home Ministry thuneitute chuan Jammu & Kashmir-ah mi firfiakte beihna leh thihna a thlen tam avangin he video hi mifirfiakte fuih tumnaah an ngai tih an sawi.