All Mizoram Farmers Union-in Kuthnathawktute chhanchhuahna tih vuahin vawiin khan Aizawl khawpuiah kawng an zawh. Chanmari kawn a\anga kawng zawh \anin Vanapa Hall kawtah an tawp a, Chanmari kawn leh Dawrpui Israel Point-ah te thu an sawi a ni.

0
479
views

 

Kawng zawhtute hian au rualin, kuthnathawktute humhimna dan siam an phut thu te, an ham\hatna tura Land Reform siam an duh thu te, an ham\hatna tur dan siam \ha thei lo sorkar an duh loh thu te leh dan anga \ha taka enkawl, market an duh ve tawh thu te an auchhuapui a ni. Kawngzawh tawpna Vanapa Hall kawtah an lungawilohna entirnan kuthnathawktute Sawhthing hralh theih loh pickup trip kha an bun a, a chungah AMFU Flag an tar a ni.

Vanapa Hall kawta inkhawmah thusawiin, an pawl President, Pu Joseph H. Thanzuala chuan kuthnathawktute chu an beidawng tawpkhawk tawh nia sawiin, kawng zawh a ngai ta chu a lungchhiatthlak hle niin a sawi a, sorkarin kuthnathawktute an VIP anga an sawi \hin chu a dera hmangaihnaa an ngaih thu sawiin, Mizoram chu kuthnathawktu thil thar tam apiang beidawnna hmunah a chang zo ta niin a sawi a ni.

Pu Joseph H Thanzuala chuan, ram hruaitute zingah kuthnathawktuten intodelhna khawp an thar lo anga sawi \hin an awm niin a sawi a, ei leh bara Mizoram a intodelh loh chhana kuthnathawktute an mawhpuhfo pawh an ngaihthiam loh thu sawiin anmahni enkawltu \ha an neih loh vang niin a sawi a, ram hruaituten ei leh bara intodelh duhna tak tak an nei lo nia sawiin, kuthnathawktute chu an duh ang anga khalh kawia Politics hmanrua atan chauh hman an duh niin a sawi a ni.

NLUP chungchang sawiin AMFU President chuan NLUP chu kuthnathawktute duhsakna ni lovin party mite induhsak nan chauha hman niin a sawi a, sorkara an thilphut tihhlawhtlinna atana kawng an zawhin awmzia a neih loh chuan na zawka hmalak an tum niin a sawi bawk.