7th pay anga an hlawh tihpun ve an dil laia 6th pay pawh ni lo, hlawh phuahchawp siamsak tum an ni chu an hriatthiam loh thu an tarlang bawk. All Mizoram Government Contract Employees Association chuan tun hmalam khan sorkar hnathawkte hlawh ennawn a nih apiangin hlawh thar mil zelin an hlawh tihpunsak niin an sawi a, Finance Minister, Pu Lalsawta hova department officer te meeting September ni 25-a neihah contract-a hnathawkte 7th pay matrix table-a minimum cell hmang ve tura an rel chu Finance Minister-in a pawmpui tawh nia an hriat thu sawiin, he ruahmanna hi thlak leh nia an hriat thu an sawi a, 7th pay ang ngeia an hlawh lak ve theih nan sorkar chu ruahman siam turin a ngen nawn leh a, an thilphutah chuan Increment, DA, HRA leh SCA te chu an dil tel lo hrim hrim niin an sawi bawk.
