AMC in Aizawl khawpui chhunga High School fai a thlana pahnihna, Gov’t. Bethlehem Vengthlang High School in bialtu MLA Pu C. Lalsawivunga leh khawtlang hruaitute hovin an lawmman dawn vawiin khan an lawm.

Headmaster Pu C. Lalhluna kaihhruai lawmna inkhawmah hian Pu C. Lalsawivunga MLA chuan zirlaite chu faina nunpuitu ni turin a chah a ni. Gov’t. Bethlehem Vengthlang High School hian sorkarin Faina inelna a buatsaih tawh zawng zawngah lawmman an la dawng vek a, heng zingah hian lawmman 1-na vawi 6, lawmman 2-na vawi 7 leh lawmman 3-na vawi 2 an lo dawng tawh a ni.